Hiru elkarte horiekin batera Eguzki Alde eta Larrinoko San Kristobal elkarteak jardun dute norgehiagokan olinpiadetan.
Zapatuan, hain zuzen, jokatu zuten olinpiadetako azken proba, doke txapelketa. Basotxo erretiratuen elkarte aurreko lorategian elkartu ziren, eta Muru Aldeko bazkideek dokean jokatzea zer den badakitela erakutsi zuten. Haren atzetik geratu ziren Urkulu eta Basotxo. Beste hiru proba ere egin dituzte olinpiadetan: mus txapelketa; haragi-bola txapelketa; eta bolo txapelketa. Behin dokean bukatuta meriendatxoa egin zuten guztiek, parte-hartzaileek eta antolatzaileek: "Loramendik eskerrak eman gura dizkie elkarte guztiei euren parte hartzeagatik", jakinarazi dute.