Lehen mailara igotzeko txartela lortu ostean, denboraldia borobildu zuen UDAko areto fubol taldeak Bilkoin Legorretaren aurka finala irabazi ostean. Lehia parekatua izan zen oso: aretxabaletarrak 2 eta 0 jarri ziren aurretik baina Legorretakoek bina berdintzeko lortu zuten. Gero heldu zen UDAren 3 eta 2koa eta finala hor amaituko zela zirudienean, azken minutuan hiruna berdintzea lortu zuten arerioek. Beraz, penaltietan erabaki behar izan zen finala eta hor hobeto aritu ziren aretxabaletarrak (2-1).
Pilota:
Txirrindularitza:
Futbola:
Goitibeherak:
Gimnasia erritmikoa:
Atletismoa:
Auto lasterketa:
Partidu guztietan moduan zapatuan ere taldeko lanari esker lortu zuten garaipena UDAkoek, eta zapatuan defentsako zein erasoko lana ondo egin zuten. Protagonistei dagokienez, bereziki fin ibili ziren Erik Justel eta Joseba Errasti jokalariak, Igor Etxenausia atezainarekin batera. Golak Imanol Carmona, Joseba Fraile eta Mikel Aramendik egin zituzten.
Kronika osoa eta Iker del Teso UDAko ordezkariari elkarrizketa bihar, asteleheneko Goiena paperean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.