Isabel Kirze: "Eskerrik asko emale egin zaretenoi; eta zalantzan zaudetenoi: egin emale, bizitza bat eman dezakezue"

Isabel Kirze Fernando Riviere ume aretxabaletarraren izeba egon da gaur goizean Arrasate Irratian. Azaldu duenez, maiatzaren 11n jaso zuen Fernandoren amak erabat bateragarria zen emalea bazegoela ziurtatzen zuen deia. Familiak esker on hitzak besterik ez ditu. Itxaropenaren ateak zabaldu zituen dei horrek baina Kirzek gogoratu du Fernando osatu ahal izateko prozesua luzea izango dela oraindik. Hezurmuinak zelulak sortzen hasteko bost edo sei hilabete beharko ditu. Hori bai, emalea aurkitu ostean badago aukera, lehen ez zegoen aukerarik. Kirzeren arabera, dena ondo badoa ekainaren 14an edo 15ean egingo diote ebakuntza.