Zapatuan, maiatzak 26, ospatuko du Loramendi Elkarteak Euskeriaren Eguna eta herri bazkarirako txartelak dagoeneko salgai dituzte Taberna Berri eta Gurea tabernetan eta Loramendiren egoitzan (udaletxe zaharra, 16:00-20:00).
Bazkaria herriko elkarteek gertatuko dute. Hona menua: entsalada; okela gisatua; ijito besoa; kafea eta kopa. Edateko, ostera, sagardoa. Bazkideek eta ikasleek 16 euro ordaindu beharko dituzte, eta gainerakoek, 19 euro.
Plazan izango da bazkaria eta ostean jokoak egingo dituzte.
Bestalde, Euskeriaren Eguneko ekitaldietan lagundu gura duenak Loramendira jo dezala, eskertuko dute-eta laguntza.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.