Atzerritartasun legearen gaineko nondik norakoak azalduko dituzte bihar, eguena, Arkupe kultura etxean. Gizarte Zerbitzuek antolatu dute atzerritarrendako eta horiekin lan egiten dutenendako, eta Jaurlaritzako Biltzen zerbitzuko legelari bat etorriko da.
Atzerritartasun legearen gaineko argibideak emango ditu Biltzen zerbitzuko legelariak, eta atzerritarren gizarteratze prozesuan legeak duen eragina jakinaraziko du: bizitzeko eta lan egiteko baimenak; baimenak berritzea; familiak ekartzea; ikasketa egonaldiak; zigorrak; kanporatzeak… Atzerritar eta interesatu guztien zalantzak argituko ditu gainera.
Batzarra Arkupen da (10:00-12:00) eta interesa duen edonori dago zabalik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.