Ikasleak, irakasleak, gurasoak, taldeetako ordezkariak, eragileak… Hainbat eta hainbat izan dira gaur arratsaldean zehar Aretxabaletan egin duten Irakurketa Maratoian parte hartu duten herritarrak. Hasiera baten Durana kalean egitekoak ziren arren, azkenean, eguraldiaren ondorioz, herriko plazako arkupetan egin behar izan dute maratoia. Bertan, partaide bakoitzak berorrek aukeratutako liburu baten pasarte bat irakurri du. Hala, egon da Printze txikia bezalako klasiko baten zati bat irakurri duenik, baita hainbesteko arrakasta izaten ari den Gose jokoak liburua irakurri duenik ere.