Aretxabaletako Nafarroa Bizirik taldeak informazioa emateko eta materiala saltzeko postua jarriko du gaur, eguaztena, Durana kalean (18:30-20:30). Nafar banderak, liburuak, diskoak… salduko dituzte eta herritarrei dei egin die bertara hurbiltzeko.
Nafarroako erresumaren 500. urteurrena gurean ere gogoan izango dute Nafarroa Bizirik egitasmo barruan. Hori horrela, bandera jarri dute plazan dagoen hagan, ikurrinaren alboan, eta urte guztian izango da bertan; uztailaren 25ean, gainera, xingola beltza jarriko diote banderari Albako Dukearen armada Nafar hiriburuan sartu zela gogorarazteko.
Era berean jakinarazi gura dute ekainaren 16an, Iruñean, Nafarroa Bizirik leloarekin ibilaldi nazionala egingo dela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.