Gipuzkoako EAJk zapatuan amaitu zuen GBB berritzeko prozesua. Bigarren erronda amaituta eta Uri buru batzarrek botatu ostean, orain, lurraldeko batzarrak berretsi eta onartuko du afiliatuek herririk herri bozkatu dutena. GBB berriko burua Joseba Egibar izango da eta exekutibako kideen artean daude Jose Migel Uribarren aretxabaletarra eta Maria Eugenia Arrizabalaga zumaiarra, Zumaiako alkate izandakoa eta gaur egun Antzuolako zinegotzi dena.
Gipuzkoako Exekutiba berriko kideen artean daude, aipatutakoez gain, Jokin Bildarratz, Tolosako alkate ohi eta Eudeleko presidente izandakoa; Xabier Barandiaran, Markel Olano ahaldun nagusi zen denborako kabinete burua; edota Iñaki Txueka, Madrileko Kongresuan diputatu izan dena. 14 kidek osatzen dute GBB berria; bakarra da debagoiendarra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.