Lanbidek kudeatzen duen webgunearen berri emango diete herriko langabeei eta Lanbideren bulegoetara joan barik hainbat tramite egin ditzaketela webgunearen bitartez erakutsi. Bi orduko ikastaroa da, eta lau laguneko talde txikitan emango dituzte eskolak. Martxoan izango dira (datak zehazteko daude), KZgunean (15:00-17:00).
Facebook merkatariendako
Bestalde, merkatariendako sare sozialen gaineko ikastaroa egingo dute. Facebook kontua zabaldu eta hori zelan erabili irakatsiko diete. Lau laguneko taldeak egingo dituzte hemen ere, eta bi orduko eskolak eman. Martxoan izango dira (datak zehazteko), KZgunean (14:30-16:30). Ikastaroaren helburua da sare sozialen bitartez negozioa sustatzen eta dinamizatzen erakustea herriko merkatariei.
Izena emateko udaletxera
Ikastaro bat zein bestea egin gura dutenek aurrez eman behar dute izena: udaletxera deituta 943 71 18 62 (Argiñe Larreagatik galdetu) edo honako helbidera idatzita: larrea@aretxabaleta.net.