'Hiru baietz' ekimena abian Kepa Urraren 20. urteurrena gogoan

Mirari Altube Arrese 2012ko otsailaren 28a

Herritarrek osatutako taldetxo batek jarri du abian Hiru baietz ekimena Kepa Urraren 20. urteurrena dela eta. Hainbat ekitaldi egingo dituzte; gaur, torturaren gaineko hitzaldia dute eta eguenean sakabanaketa eta bizi arteko zigorraren gaineko mahai-ingurua. Zapatuan bolo txapelketa eta manifestazioa egingo dituzte.

Joan den egubakoitzean jarri zuten abian Hiru baietz Almeriara martxa eginda, han dagoelako Kepa Urra. 55 lagunek eman zuten izena eta autobusa bete-beteta joango zen.

Gaur jarraituko dute ekitaldiekin. Hona egitaraua:

- Otsailak 28, martitzena (19:00, Arkupe)

Filma eta hitzaldia: Tortura Euskal Herrian.

Hizlariak: TAT elkarteko kide bat eta torturatu bat.

- Martxoak 1, eguena (19:00, Arkupe)

Mahai-ingurua: Sakabanaketa eta biziarteko zigorra.        

Hizlariak: abokatu bat, preso ohi bat eta Aretxabaletako presoen senideak.

- Martxoak 3, zapatua

- 17:00, bolo-txapelketa

- 19:00, manifestazioa bolatokitik irtenda eta ondoren mokadutxoa

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak