Zapatuan, otsailak 18, beste norgehiagoka garrantzitsu bat dauka Vazquezek: XII. autonomia erkidego arteko txapelketa. Errioxan jokatuko dute eta Aragoi, Nafarroa, Euskadi eta Errioxako federazioen arteko txapelketa da.
Martxoan Bilbon jokatuko den Espainiako txapelketari begira proba garrantzitsua da, eta haren entrenatzaile eta aita den Odilo Vazquezen esanetan lorpen handia litzateke harako sailkatzea: "Elkartearendako lorpen handia eta Odeirendako izugarrizko poztasuna, txikitako ilusioa delako Euskadiko selekzioa ordezkatuz halako txapelketa batean jokatzea".