ETB1ek astelehenean estreinatuko du saio berria: Ai, ama!. Astelehenetik egubakoitzera emitituko da, Gaur egun albistegiaren ostean, zuzenean. Iban Garate aktoreak aurkeztuko du eta harekin batera izango dira Mikel Pagadi, Itziar Atientza y Xabier San Sebastian.
Asteleheneko lehen saioan, esaterako, sona handiko gonbidatuak izango dituzte: Julian Iantzi telebistako aurkezlea, Gorka Otxoa aktorea, Koikili Lertxundi Athletic-eko jokalaria eta Xabier Euzkitze kazetaria.
Autobusean joan-etorria
Loramendi elkarteak, saioa ikustera joateko eta publiko moduan parte hartzeko autobusa bete nahi du. Autobusa 18:45ean irtengo litzateke Aretxabaletatik. Eta, Ai ama! saioa zuzenean ikusi ostean, buelta Aretxabaletara.
Luntxa emango die bertan, Miramonen, Donostiako ETBren egoitzan. Izena ematen dutenen artean, jende gehien animatuko litzatekeen egunerako antolatuko lukete autobusean joan-etorria. Eguaztena, otsailaren 15a, da izena emateko azken eguna. Izena ematerakoan, norberari noiz etortzen zaion ondoen jakinarazi biharko da, gero antolatu ahal izateko.
Izena emateko eta informazio gehiagorako:
- Deitu: 943 77 09 70 eta 685 75 67 29.
- Idatzi: loramendielkartea@gmail.com
- Agertu udaletxe zaharrera: 16:00-20:00.