Txapeltxin, "Riesgon primiaz"

Aratusteak geroago eta gertuago dauzkagu eta aurten ere mozorroz jantziko zaizkigu kaleak. Debagoieneko herri eta auzo handienetik hasi eta txikienera arte. Aratusteak iragartzeko kartelak, mozorroak prestatzeko lanak, jai egitarauak… Badoa forma hartzen. Eta, azkenaldian, boladan dagoena, zera da: Aratusteen inguruan bideoak egitea. Aretxabaletan egin dute. Sarean da dagoeneko. Txapeltxin egunerako. Prima de Riesgo agertuko ei zaigu aurten Txapeltxin egunean: "Otsailaren 11n, Txapeltxin, Riesgon primiaz!".