Mozorroak gertatzeko lokalak bi dira:
- Leku handia behar duten kontuetarako, Azbe lantegitik saihesbidera doan errepide alboan (azken urteotako lekua).
- Leku handia behar ez duten kontuetarako –josi, margotu…–, Mitarte plazako lokala (Urkulu zegoen lokala).
Bi lokalen giltzak Arkupeko harreran dituzte eta bertan eskatu behar dira. Giltzak jasotzeko arduradun baten izena eman beharra dago, eta funtzionamendurako arauen berri emango diote horri.
Aratusteetako herri bazkaririk aurten ere ez dela egingo jakinarazi dute Kultura Saileko kideek.
Txapel Txin eguna
Aratusteen etorrera iragartzeko, ostera, Txapel Txin eguna ospatuko dute; aurten bosgarren aldiz dagoeneko. Otsailaren 11n izango da, eta laster emango dute egitarauaren berri.