Aretxabaletarrok euskararekiko dugun jarreraren gainean hausnartzeko gertatu du Loramendik Euskeraren espektakulua. Kepa Errastik zuzenduta egoera ezberdinak jasotzen dituzten hainbat esketx grabatu dituzte herritarrekin: "Geure buruari barre egiteko egoerak izango dira, umore handiarekin kontatuak", diote Loramendiko kideek.
Eta horiek aurkezteko eta saioa bideratzeko Ohian Vega irrati esatari eta musikari bergararra izango da Arkupen hilaren 28an. Helduendako ikuskizuna dela aurreratu dute antolatzaileek, ordubete ingurukoa.