Aretxabaleta kirol elkarteak antolatuta Bixente Etxeandia Gabonetako txapelketa jokatuko dute abenduaren 26tik 29ra bitartean Debagoieneko futbol eskoletako neska-mutikoek. Final erdiak eta finalak, ostera, urtarrilaren 2an izango dira.
Oñati, Bergara, Arrasate eta Aretxabaletako futbol eskoletako neska-mutikoek jardungo dute norgehiagokan hiru egunetan. Hona egutegia: abenduaren 26an, astelehena, 2003an jaiotakoak; abenduaren 27an, 2001ean jaiotakoak; eta abenduaren 29an, 2002 jaiotakoak. Partidu guztiak arratsaldean dira, 15:30ean hasita.
Hiru egun horietan sailkatutakoek gero, urtarrilaren 2an, jokatuko dituzte final erdiak eta finalak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.