Ilara luzeak izan zituen Mitarte kaleko gaztaina saltzaileak joan den astean, eta gaur ere lanpetuta izango da. Izan ere, Aretxarte elkarteko saltokietan erosketak egiten dituzten herritarrek poltsatxo bat gaztaina eskuratzeko txartela jasoko dute opari.
Aretxarte merkatarien elkarteak gonbidatuta dator gaztaina saltzailea iaz legez, eta Mitarte kalean izango da gaur, hilak 22, eta datorren eguenean, hilak 29 (17:30-20:00).
Bestalde, 1.000 euroko balioa duen Gabonetako otzararen txartelak banatzen dabiltza Aretxarteko kideak. Otzara hori ikusteko moduan dago Durana kalean, Udalak duen txokoan, eta hilaren 29an egingo dute horren zozketa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.