Hona urtarrilaren 2an hasita Debagoienean (batzuk Eibarreraino) joan-etorriak egiten dituzten autobusen geltokiak: Arrasateko noranzkoan: Araba ibilbidean –oraingo lekuan–; Nafarroa kalean –biribilgunea baino lehen–; eta Lausitta kalean –oraingo lekuan–.
Eskoriatzarako ibilbidea aldatu egingo dute; hona berria: Otalora kaletik Errebakarrenera eta Belorrietako biribilgunetik bueltan Araba ibilbidera. Eta geltokiak: Otalora kaleko 27. zenbaki parean –kuartel zaharraren parean–; Errekabarren kaleko 8. zenbaki parean –osasun etxearen aurrean, sasoi baten egondako lekuan–; eta Araba ibilbidean –orain dagoen lekuan–.
Egunotan dabiltza geltoki batzuk egokitzen; hori horrela, Nafarroa, Errekabarren eta Otalora kaleetako geltoki berrietan markesinak jartzeko egongo direla urtarrilaren 4a artean jakinarazi du Udalak.