Hildako senide eta lagunen aldeko meza izan zuten Familien egunean, eta gero, egoiliarrek eskainitako Gabonetako emanaldia eta merienda, musikak girotuta.
Gaur, ostera, San Tomas eguna, txistorra jan dute, eta gero Olentzeroren bisita jaso dute opariz beteta. Egoiliarrek egindako eskulanen erakusketa ere jarri dute eta diplomak banatu dituzte gero.
Egubakoitzean, hilak 23, Basotxo erretiratuen elkarteko abestaldea joango da Gabon kantuan (17:00) eta zapatuan, Gabon eguna, herriko umeak eta gurasoak hurreratuko dira kantuan egin eta boloa jasotzera (11:00).
Eta urtea bukatzeko ekitaldi bi dituzte: hilaren 30ean, egubakoitza, bingo berezia (16:45); eta hilaren 31n, afari dotorea bertako egoiliarrek egindako bitxiekin apainduta.