Loramendiren zapatuko afarirako txartelak hartzeko epea gaur amaitzen da

Loramendi euskara elkartearen 25 urteurrena ospatuko dute egubakoitzean eta zapatuan Aretxabaletan. Zapatuan, beste ekitaldi batzuen artean, afaria izango da Taberna Berrin eta gaur, eguaztena, da azken eguna afarirako txartelak eskuratzeko. 30 euroren truke Loramendi elkartean edo Taberna Berri jatetxean lor daitezke. Bestalde, gaur ere egingo dute lehenengo entsegu orokorra zapatuko Loramendi dantzarako. Gaur, eguaztena, 20:00etan eta etzi, egubakoitza, 19:00etan dira hitzorduak.