Hona ekitaldiok:
- Abenduak 13, martitzena (17:00)
1921ean jaiotako bazkideak omenduko dituzte elkartean, 10 lagun (7 emakume eta 3 gizon). Txistulari eta dantzariek ongietorria egingo diete eta oparitxoa jasoko dute gero, Basotxoko abestaldeak girotu bitartean. Bukatzeko txokolatea hartuko dute trikiti doinuek lagun eginda.
- Abenduak 14, eguaztena
Abesbatza eta abestaldeen topaketa Oñatin, Gipuzkoako elkarteak antolatuta. Bertan izango dira Basotxoko abestaldeko kideak.
- Abenduak 17, zapatua
Tute eta mus txapelketa, elkartean. Tutean goizean egingo dute (11:30) eta musean, arratsaldean, (15:30). Parte-hartzaileek eta elkarteko zuzendaritza batzordeko kideek elkarrekin bazkalduko dute elkartean. Sari-banaketa, 18:00etan izango da.
Irabazleek, gero eskualdeko elkarte arteko txapelketa jokatuko dute, eta mus txapelketako lehenengo bi bikoteek Aretxabaletako elkarte arteko txapelketa (2012an Basotxok antolatuko du).
- Abenduak 21, eguaztena
Santo Tomas egunean opariz betetako 40 otzara zozketatuko dituzte bazkideen artean. Ondoren, meriendatxoa izango dute, Txukun Berrik egindako pintxoekin.
- Abenduak 22, eguena
Loteriaren zenbakiekin (lehenengo eta bigarrenaren azken hiru zenbakiekin) opariz betetako otzara bi zozketatuko dituzte.
- Abenduak 23, egubakoitza
Basotxoko abestaldea GSR zaharren egoitzara joango da emanaldia eskaintzera.