Zera egin beharko dute: esaldi bat proposatu Gabon garaiko opariak herriko dendetan erostera animatuz, edota herriko komertzioetan erosteak dituen abantailak aipatuz. Herriko ikastetxeetako 8 eta 11 urte arteko gaztetxoek (LHko 3. eta 6. maila artekoak) parte har dezakete lehiaketan, eta esaldiok aurkezteko azken eguna abenduaren 12a da.
Parte-hartzaileen artean hiru sari banatuko dituzte: 50, 30 eta 20 euroko txartelak herriko dendetan erabiltzeko. Gainera, irabazlearen esaldiarekin kartela egingo dute eta saltokietan banatu.