Urtero ospatzen dute Udazken Jaia Kurtzebarri eskolakoek baina aurtengoa berezia izan da; izan ere, oparia ekarri zien udazkeneko haize gozoak, kamiseta berdea. Iñaki San Miguel gurasoak egin du horren diseinua eta lelo berezia jarri diote: Bihotzez ikasi.
Eta Bihotzez ikasi abestia ere egin dute. Maixa Lizarribar trikitilari ezagunak, jarri dio musika kantuari eta Ekain Martinez de Lizarduy irakasleak letra. Doinu horiek oinarri hartuta, ostera, dantza asmatu du Onintze Azpeitia irakasle ohiak eta guztien artean, ikasle, irakasle eta guraso, flashmob-a grabatu zuten.
Behin dantza bukatuta urtero legez egin zuen aurrera Udazken Jaiak, buzkantza goxoak eta gaztaina erreak janda. Ezin falta gainera, lekaixo erakustaldia. Ikasleek gogotsu jardun zuten irrintziak botatzen, dotore bota ere. Gurasoei, ostera, kosta egin zitzaien eta gutxi batzuk animatu ziren