Aretxabaletako jokalari Aitor Perez esna zelairatu da, eta lau minutu baino ez ditu behar izan irundarren atea zulatzeko (1-0). Gol baliotsua zen hori, partiduko bakarra izan delako.
Berez kanpotarrek lortu dute Aretxabaletako atezain Agirregabiria gainditzea, baina epaileak balio gabe utzi du gola, kanpoko zaleen haserrerako.
Azken minutuak zatartuta
Aretxabaletak beharrezkoa zuen azken minutuetan markagailuan zuen abantaila ondo kudeatzea, eta kanpotarrek mesedea egin zieten horretan, komeni ez zitzaien iskanbilatan sartu ziren-eta. Aldaketetako batean epaileak atentzioa deitu zion Real Uniongo jokalari bati belarritakoa eramatearren, eta zale aretxabaletarrak txistuka hasi ziren; jokalariak keinu batekin erantzun eta epaileak egotzi egin zuen.