Urritasuna kontuan hartuta egin zituzten karate jokalarien taldeak: urritasun fisikoak zituztenak 5; adimen urritasunak zituztenak 28, horien artean 20 Down sindromedunak; ikusteko arazoak zituztenak 4; eta entzumen arazoak zituztenak beste 4.
Txapelketa horren antolatzaile diren Donostiako Bera Bera Elkarteko kideak oso pozik agertu ziren parte-hartzearekin: "Nazioartean halako parte-hartzea duen txapelketarik ez dago egun". Eta gaineratu zuten: "Eskaera egon badago, baina karate federazioek ez dute urritasunak dituztenendako ekimenik antolatzen".
Aretxabaleta Kirol Elkarteko karate taldeko arduradun den Odilo Vazquezek eskerrak eman gura dizkie antolatzaileei: "Urritasunak dituztenak karatearen bitartez integratu gura dituztelako". Era berean, Alex Elortondo zoriondu gura du, beste behin ere postu bikaina eskuratu duelako txapelketan: "Zorionak, Alex, eta segi aurrera. Zu bai zarela handia!"