Eskoriatzako Zarimutz auzoko Altamira baserrian jaioa 1940an etorri zen Aretxabaletara ezkondu ondoren. Senarraren familiakoa zen Burgales tabernan lanean hasi eta sukaldari bikaina izatera iritsi zen. 88 urterekin utzi zion lanari, 1998an jatetxea itxi zutenean: "Haserre itxi zuen jatetxea; lanean jarraitu gura zuen, bizi-poza ematen zion-eta", diote alabek.
Umore onekoa, indartsua eta jenio handiko emakumea da, eta sekulako osasuna du 100 urte beteta ere: "Tentsioa zaindu beharra dauka bakarrik; ez dauka beste ezertxo". Hori horrela, egunero egiten du kaleko bueltatxoa alaba eta lagunekin, eta gaur arratsaldean ere Gurea tabernan elkartuko da urtebetzea ospatzeko.