Eguraldi aurreikuspen txarra ikusita, Alberto Iñurrategik, Mikel Zabalzak eta Juan Vallejok izotzezko lubaki bat egitea erabaki zuten zapatu gauean kanpalekua muntatu aurretik, eta orain momentuan kanping denda barruan daude, haize zakarretik ahalik eta ondoen babestuta. 100 eta 120 kilometro orduko haize ufadak izanda, ez dute zain egotea besterik.
Azaroaren 16an abiatu ziren irteera puntutik (Novolazarevska basea) 101 kilometrora daude Naturgas/BBK espedizioko kideak, baina orain momentuan ez aurrera eta ez atzera, eguraldiak hobera egin arte ezin dute metro bakar bat ere egin. Hemen dituzue espedizioko lehenengo irudiak, hasieran kometekin kilometroak egin eta egin, eta ondoren, eguraldi iragarpen txarra ikusi eta gero, kanpalekuan babestuta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.