Sei garaikur lortu zituzten Gipuzkoako txapelketan UDAko karatekek: Odei Vazquez bigarrena izan zen kata modalitatean eta hirugarrena kumiten (68 kiloz azpikoetan); Ekaitz Irusta, hirugarrena kumiten (76 kilo baino gehiago) eta katan; Iker Hervas, hirugarrena kumiten (70 kilo baino gehiago); eta Oxel Vazquez, hirugarrena kumiten (57 kiloz azpikoetan).
Hilaren 13an, Gasteizen, jokatutako Euskadiko txapelketan Odei y Oxel Vazquez anaiek jardun zuten norgehiagokan eta Odei hirugarrena izan zen kumite modalitatean (68 kiloz azpikoetan). Horretarako maila handiko lau kanporaketa gainditu behar izan zituen.
Alex Elortondok, ostera, aste bukaeran jokatuko du Donostian adimen urritasunak dituzten kirolarien nazioarteko karate txapelketa barruan.