Hasieratik bukaerara liderra baino gehiago izan arren, UDAk puntu bakarra lortu du (2-2)

Hasieratik bukaerara gehiago izan arren Aretxabaletak ezin izan du Anaitasunaren aurkako partidua irabazi. Oso ondo hasi da etxeko taldea, zelaian ondo jarrita eta baloiaren jabe. Estu hartu dute liderra, baina Anaitasunak izan dituen aukera apurrak aprobetxatuta puntu baliotsua atera du Ibarra futbol zelaitik. Juanan Cruz entrenatzailea oso pozik zegoen lehiaren amaieran: "Partidu ikusgarria egin du taldeak, lan zoragarria. Emaitza ez dator bat egin dugun jokoarekin baina horrela jarraitzen badugu helduko dira, ziur nago".