Roncalek azaldu duenez, gustura daude kanpaina ematen ari denarekin, bere esanetan jendeari ari zaiolako heltzen sozialisten mezua. Bere ustetan, Euskadin bi erronka nagusi daude: batetik krisi ekonomikotik ateratzea eta besteik ETAk borroka armatua utzi izanaren osteko garaia kudeatzea.
Inkesten inguruan galdetuta, azaldu du benetako inkesta azaroaren 20koa dela, eta oraindik euren botoa erabakitzeke dutenen kopurua %30ean dagoela gaineratu du.
Rubalcaba vs. Rajoy
Gaur izango da hauteskunde kanpaina honetako hitzordu garrantzitsuenetakoa, Rajoy eta Rubalcabaren arteko aurrez aurrekoa. Horren harira, Roncalek esan du hautagai sozialistak gauzak era argian azaltzen dituela, eta konpromisoak hartzen dituela. Rajoyren inguruan esan du bestalde, oso iheskorra izaten ari dela: "Ez dakigu zehazki zein proposamen dituen PPk krisitik ateratzeko.
Baina gure beldurra da isilean eramaten ari direla oso gogorrak izango direlako krisia gehien pairatzen dutenekin". Gaineratu du, sozialistek ere gura dutela krisitik ateratzea, baina denekin kontatuz, inor bazterrean utzi gabe.