Ibarra futbol zelaia Aretxabaletako Udalarena da eta gaur, astelehena, arratsaldean egingo duten Gobernu Batzordean eztabaidatuko dute gaia, zelan konpondu erabakitzeko.
Aretxabaleta Kirol Elkartearen buruhaustea da futbol zelaia zelan argiztatu ondo. Horretarako Bergarako enpresa batekin harremanetan jarri da eta argindar sorgailua errentan hartzeko asmotan dabil. Arazoa aste bukaerarako konponduta izatea gurako lukete, baina hala ez balitz partiduak aurreratu egingo dituzte argiztapen arazorik ez izateko.