Aurretik, Berrizko Zain taldeak jardun zuen, emanaldi dotorea eginez. Eta kontzertuari amaiera emateko, Hendaiako Xutik taldearen txanda iritsi zen. Mukaki Zpirit izenburuko diskoa aurkeztu zuten Aretxabaletan. Kontzertua amaitu orduko, goizaldeko ordu biak pasatxo ziren. Antolatzaileak pozik, jende asko gerturatu zelako zapatu gauean Aretxabaletara eta giro polita sortu zelako.
Dantza ikastaroa eguenetik
Abenduaren 17an ospatuko du Loramendik 25. urteurrena eta ordurako Beinke-Loramendi dantza prestatu nahi dute. Deialdi zabala egin diete aretxabaletarrei egun horretako ekitaldietan parte hartzeko. Beinke-Loramendi dantza gertatzeko eskolak izango dira eguenetik, urriaren 27tik aurrera. Hitzordua, 19:00etan udaletxe zaharrean.