Kurtzebarri institutua Herbeheretatik datozen ikasleak hartzeko gertu dago. Orain dela sei urte hasi zuten bi institutuen arteko elkartruke proiektua eta helburu nagusiak honakoak dira: euskal kultura zabaltzea, ingelesa lantzea eta elkar hobeto ezagutzea.
DBHko 4. mailakoek hartuko dituzte ikasleak etxean baina institutuko hezkuntza komunitate osoa ibili da –gurasoak, irakasleak…– proiektuaren jarduerak gertatzen: euskal kultura ezagutzeko tailerrak (jokoak, kirolak, abestiak, ohiturak...), irteerak (Zumaia, Lastur, Donostia, Bilbo…), familiekin egonaldia, bloga…
Martxoan, ostera, aretxabaletarrak joango dira Cuijk-era, bisita itzultzera. Kurtzebarri BHIko ikasleak Valentzia, Estonia, Letonia, Txekia eta Italiako neska-mutilekin elkartuko dira.