Areantza kanpai-jole eskolak proposatutako kanpai-joaldi koordinatuak harrera ezin-hobea izan zuen ikusle kopurua aintzat hartuta; Hamabost herritatik etorritako zaleak zeuden (tartean Valentzia eta Burgoskoak) eta baita ez-ohiko ekitaldiak piztutako jakin-minak asetzera joandakoak ere. Hogei lagunetik gora zeuden Larrino, Areantza, Aozaratza, Mendiola Goronaeta eta Mendiolako kanpandorretan banatuta: etxafuego jaurtitzaileek agindutakoan, kanpaiak jotzen batzuk eta horien joaldiak koordinatzen AIKE, Arrasateko Irratizaleak. Hogei minututako joaldi borobila egin zuten guztiek, aurrez prestatutako gidoiari jarraituta.
Udaberrian hasitako entseguek eman zuten bai fruitua; kanpai joaldia amaituta, "entseguetan baino askoz hobe zioten-eta" protagonistek. Bestaldean, zelaian zeuden ikusleak, hunkituta eta, era berean, harrituta aurkitu genituen. Asteleheneko Goienkarian duzue joaldiaren eta baita zapatuko topaketek orokorrean eman zutenaren kronika osoa irakurgarri.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.