Deba ibaiaren beste aldean dauden babes ofizialeko etxebizitzak, bi bloketan banatuta daude eta bakoitzak 50 etxe ditu. Bigarren blokeko lanak martxo ingururako bukatuko dituztela hitza emanda daukate jabe izango direnei.
Etxeon zozketa orain dela hiru urte egin zuten, 2008ko azaroan. Hasiera baten Bruesa eraikuntza enpresak hartu zuen lanon ardura, baina gero Bergarako Bitxor higiezinen agentziaren eskuetan utzi zuen.
Tasatuen berririk ez
Bestalde, Txarapea ibilbidean oraindik bukatu barik dauden etxe tasatuen bi blokeetako lanak geldi daude epaile baten sinaduraren zain. Udalak oraindik ez dauka sinadura horren berririk.