Udalak honakoa jakinarazi du prentsa ohar bidez: "Ekintza horiek guztiak herritarron askatasunaren aurkako eraso zuzenak dira, elkarbizitza onaren aurkakoak. Udalarentzat, herritar guztiontzat, zehazki 2.000 euroko galerak ekarri dituzte, eta horrek, dirua konponketetan erabiltzea suposatzen du, herritarrok ditugun beharretan erabili beharrean. Errespetuan oinarritutako gizartea eraiki nahi badugu, errespetuz jokatu behar dugu, horrelako jarrerak inongo lekurik ez dutelarik".
Eta bukatzeko irailaren 25 goizaldean erasoren bat jasan zuten herritarrei elkartasuna adierazi gura izan diete Udal ordezkariek: "Aurrerantzean, horrelako jokaera zentzugabeak errepikatzea onartuko ez dugula, aretxabaletarrok elkarbizitza onean bizitzen jarraitu nahi dugulako".
Apurketen kostua
Udal jabetzako apurketen kostua:
- Bidegorriko hesia: 1.154,00 €
- Basabe bideko ispilua: 125,02 € materiala + 30 € muntatzea
- Bidegorriko tunelean, Eskoriatzara bidean, fokuak: 319,18 €
- Guztira: 1.921,28 € (1.628,20 € + %18 BEZ)
Udalak konpondu beharreko horiez gain, beste apurketa batzuk ere izan dira: Mitarte plazako ile-apaindegiko eta Murubideko bi atarteetako kristalak; Santa Kurtz kalean aparkatuta zeuden hainbat autotako ispiluak; eta Kebab postua iraulita, Mitarte kalean.