Egun bakar batean 1.000 euro gastatu beharko ditu Aretxarteko komertzioetan urriko zozketako irabazleak. Merkatarien elkartea udazkeneko zozketarako txartelak banatzen hasita dago, eta urriaren 26an aukeratuko dute zenbaki irabazlea.
Txartel irabazlearen jabea agertu ostean azaroko egun bat izendatuko dute diru hori gasta dezan: "Egun bakarrean gura duena hartu ahal izango du 1.000 euro arte, beti ere Aretxarte barruan dauden komertzioetan", esan dute merkatarien elkarteko kideek.
Aretxarte barruan 30 komertzio eta ostalaritza zerbitzu baino gehiago daude; tartean, hainbat eratako dendak, ile-apaindegiak, argazkilariak eta edertze eta masaje aretoak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.