Hitzordua Herriko Plazan dagoen 82. kilometroan dute ohi legez (09:00). Automobiletan joango dira handik Goroeta auzoraino, eta gero handik gora Ugastegira jo. Umeak autoetan igotzeko aukera eskainiko dute antolatzaileek.
Toponimia taldekoak gidari
Hirugarren ibilbidearen lehen zatia ekainean egin zuten. Orduan Arkarazo auzoa ezagutu eta Areantzaraino iritsi ziren, baina eguraldi eskasa tarteko ez zuten aurrera egiterik izan. Oraingoan Goroetako paraje eta kontuak ezagutuko dituzte, bertako baserrietatik pasatu, bazterrak ezagutu eta historia kontuak eta sasoi bateko istorioak jakin. Gero Urkulu urtegitik gora dagoen Ugastegi auzora igoko dira, eta bertan egin antolatzaileek eskaintzen duen hamarretakoa, indarrak berreskuratzeko.
Loramendiko Toponimia Taldea dabil herri eta auzo inguruetako ibilbide horiek gertatzen. Eta bertako kideak izango dira domekan ere gidari lanetan ibiliko direnak, tartean gure herriko kontu asko dakizkien Jesus Osinaga. Ibilbidearen nondik norakoak jasotzen dituen liburuxka ere banatuko dute.