Iaz, elkartearen 25. urteurrena ospatu zuten, eta orduan sortutako giro ona aitzakia hartuta, Urbaltz Eguna egingo dute urtero hemendik aurrera. Argi dago 120 bazkide inguru dituen elkartea indartsu dagoela azken urteotan, nahiz eta momentu gogorrak ere bizi behar izan dituen.
Bazkaria eta Mojito Jaia
Zapatuan, ostera, jai giroa izango da nagusi. Kuxkuxtu txarangak emango dio hasiera ospakizunari (13:00) kalejira eginda eta gero Mitarte plazan elkartuko dira herri bazkarirako (14:30). Bazkarira joan gura dutenek Urbaltz tabernan dituzte salgai txartelak: helduak, 20 euro; umeak, 10 euro.
Iaz, 100 lagunetik gora elkartu ziren 25. urteurrena ospatzeko eta aurten ere ez dutela hutsik egingo bazkide eta Urbaltzeko lagunek uste dute antolatzaileek. Bazkalostean berriro izango dira Kuxkuxtu txarangako kideak herriko bazterrak girotzen.
Eta gau partean, 22:00etan hasita, Mojito Jaia egingo dute Elvis Caino DJ-a lagun.