200 lagun inguru batu ditu Kurtzebarri Egunak

200 bat lagun elkartu dira gaur goizean Kurtzebarriko tontorrean. Mendi gailurrean, haize zakarra zela-eta, mendizaleak leku ezkutu bila ibili dira. Hala ere, mendi bueltatxoa gustura egin dute nagusi, heldu, gazte eta umeek. Meza esan du Ramon Elkoro abade aretxabaletarrak eta ondoren mokadutxoa eskaini du Murrukixo mendizale elkarteak. Saldarik eta jatekorik ez da falta izan, beraz, ezta trikitixa doinurik ere. Ordubetez bertan egon ostean, beherako bidea hartu dute mendizaleek.