Iaz grabatu zuen Aretxabaleta Abesbatzak Nemesio Otañoren abestiekin diskoa, Azkoitiko jesuita eta konposatzaile handiaren omenez. Ibilbide luzea izan zuen musika munduan Otañok, eta tartean Comillasko (Kantabria) unibertsitateko abesbatzako zuzendari izan zen, baita irakaslea ere. Hala bada, aretxabaletarrek emango duten kontzertuarekin omenalditxoa eskaini gura diote bertan.
Bestalde, azaroan Madrilera joango da abesbatza. Madrilgo San Fernandoko Arte Ederren akademiako kide ere izan zen Otaño, eta han ere omenalditxoa egin gura diote. Hala, bertako auditorio dotorean azaroaren 11n (19:30) emango duten kontzertuko ahotsa Aretxabaleta Abesbatzako kideek jarriko dute.