Eguraldia lagun dutela hasi dituzte udalekuak, jolasak eta irteerak nagusi izango diren egunak. Belorrietan, Iralabarrin, Lausittan edo Herriko Plazan, edozein bazterretan elkartu eta jolasak, eskulanak, dantzak… egiten dabiltza. Egunpasak eta irteerak ere izango dituzte, tartean, Galartzara gaua pasatzera.
Eta ezin ahaztu egun bereziak: uraren eguna, altxorraren bila jolasa, azken eguneko jaialdia… Eta aspaldian ospatzen duten San Fermin eguna. Aurten, baina, ohiko egitaraua aldatu eta ekintza berezia izango dute. Gorriti etorriko da animaliekin egubakoitzean, hilak 8, ume eta gaztetxoen gozagarri.