Gazte Ekimeneko kideen aspaldiko asmoa zen jaiak luzatzea eta aurten lehenago hastea erabaki dute, abuztuaren 13a zapatua dela aprobetxatuta.
Egitarau osoa ez daukate zehaztuta baina hona gertatutako egitarauaren aurrerapena: abuztuaren 13an, txupinazoa, txikiteoa eta Bizardunak talde nafarraren kontzertua; abuztuaren 14an, gazte afaria eta Atxabalta Festibal; abuztuaren 15ean, umeendako jolasak eta galtzontzilo eta kulero lasterketak; abuztuaren 16an, bazkaria; eta abuztuaren 17an, bazkalosteko koadrilen arteko jolasak eta Zapilotes Txirriaos taldearen kontzertua.
Txosna gunean egingo dituzte horiek, eta beste hainbat kontu izango direla iragarri dute.
