Anaia labankadez hil zuen eskizofrenia gaixo aretxabaletarrak psikiatriko etxe batean igaro beharko ditu, gehienez ere, 15 urte. Anaia hiltzeaz errudun eman du, baina kartzelatik libre utzi du epaileak. 2009ko urriaren 23an gertatu zen. Aretxabaletan. Gurasoen etxean. Lau labankada sartu zizkion bizkar aldean.
Sententzia ekainaren 15ean eman zuen epaileak. Eta errekurtsoa jartzeko aukera dago orain, Euskal Herriko Auzitegi Goreneko lurralde epaitegian.
Epaileak errudun jo du. Anaia hiltzea leporatu dio. Delitugilearen erantzukizun penala larriagotzen duen inguruabarra, haren senidetasuna da. Baina kartzelatik absolbitu egin du, buruko nahasmenduagatik. Erruduna 160.000 euro ordaintzera behartzen du epaiak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.