Gurean ere ospatu zuten atzo, San Juan bezpera. Arratsaldean dantza eta buruhandiak izan zituzten txikienek eta iluntzean suaren txanda etorri zen. Herriko dantzariek piztu zuten San Juan dantza egin ostean, eta iazko lore sendorra bota zuten sutara, txar guztiak erretzeko.
Gauerdiaren bueltan, ostera, tantaia jaso zuten 1992an jaiotako neska-mutilek. Oker xamar geratu da plazaren erdian, baina dotore agurtzen ditu bisitari eta herritarrak.