Iaz grabatu zuten Nemesio Otañoren abestiekin diskoa, Azkoitiko jesuita eta konposatzailearen omenez. Ibilbide luzea izan zuen musika munduan Otañok, eta tartean Comillasko (Kantabria) unibertsitateko abesbatzako zuzendari izan zen, baita irakaslea ere. Aretxabaletarrek emango duten kontzertuarekin omenalditxoa eskaini gura diote bertan. Abuztuaren 28an da Comillasko parrokian (20:00).
Arte Ederretako akademian
Bestalde, Madrilgo San Fernandoko Arte Ederren akademiako kide ere izan zen, eta han ere omenalditxoa egin gura diote. Hala, bertako auditorio dotorean azaroaren 11n (19:30) emango duten kontzertuko ahotsa Aretxabaleta Abesbatzako kideena izango da.