Hiru elkarteek gertutasun fisikoa ez ezik –egoitzak oso gertuan– loraldia dutela lagun jakinarazi dute antolatzaileek, eta antzeko helburudun asmoak dituztela konturatuta abiarazi dute ekimen berria: "Aisiaren bidez, Aretxabaletan euskararen erabilera sustatzea, autogestioaren eta autoeraketaren bidez aisia eta kirol eskaintza garatzea, aretxabaletarren arteko harremanak sortzea eta sakontzea, zaletasun berrietara ateak zabaltzea eta elkarteen eta mugimenduen arteko harremanak eta elkarlana garatzea dira helburuak". Eta gaineratu dute orain arte egindako moduan, hiru eragileak zabalik daudela herriko gainontzeko elkarte, talde eta eragileekin harremanetan jarraitu eta egitasmoak elkarlanean gauzatzeko.
Hiru irteera
Hasteko hiru ekintza antolatu dituzte udara begira:
- Ekainak 18, kanoa jaitsiera Urdaibai itsasadarrean
- Uztailak 2, kanoi jaitsiera
- Uztailak 22-23, kanpaldia
Aretxabaletar guztiei dago zabalik eskaintza: banakoei, koadrilei, familiei... Hori bai, 14 urtetik beherakoek arduradun batekin joan beharko dute. Izena emateko Loramendiren egoitzara jo behar da (16:00-20:00); ekainaren 18ko kanoa jaitsierarako izenemate epea martitzenean, hilak 14, bukatuko da.