Desfibriladore horiek zelan erabili jakiteko ikastaroa egin dute hainbat Udal langilek. Hala ere, samur erabil daitezkeenak direla iragarri dute, diagnostiko automatikoa eta laguntza automatikoa ematen dutenak. Hala, makinak berak esaten du ondo eza izan duenak deskargarik behar duen eta jarraitu beharreko pausoak. Gainera, makina bere lekutik kentzerakoan udaletxean ezarritako koordinazio gunera jakinarazpena bidaltzen du, handik larrialdi zerbitzuetara bideratzeko.
"Desfibriladore eramangarriak dira eta udaletxean dagoena udaltzainen ardurapean egongo da, edonora atera behar izanez gero ere. Arkupekoa, ostera, herritarren eskura jarri dugu, behar izanez gero hartzeko", jakinarazi du Inaxio Garrok. Eta gaineratu du kiroldegi berria zabaltzerakoan han ere jartzea komeniko litzatekeela.