Bartzelonan egiten den Ingurumenaren Nazioarteko Zinema Lehiaketan –FICMA– eskuratutako ikus-entzunezkoak emango dituzte. Hala, eguenean, ekainak 2, Green filma izango da. Green izeneko orangutanaren istorioa aitzakia hartuta oihaneko biodebirtsitatearen altxorra erakutsi eta palma olioa eskuratzeko egiten dabiltzan triskantzen berri emango du.
Ekainaren 9an, ostera, Vivamazonia filma izango da. Brasilgo oihanean, Jauperi ibaiaren alboan, bizi den komunitate baten berri dakar eta bertako neska-mutikoak alfabetatzeko sortu duten eskola erakutsi.
Eta ekainaren 16an, Asier Arregi adituak (Geobiotek) elektromagnetismoak osasunarengan duen eraginaren berri emango du: wifi, poltsikoko telefonoak… Hain zuzen Eskola Agenda 21 barruan ikasleek landu duten gaia da eta egun kezka handia eragiten duelako hautatu dute antolatzaileek.