Bertsoek, musikak eta jatekoak bat egin zuten Bilduren aurkezpen ekitaldian. Zerrendako kideak herritarren aurrean eseri ziren plazaren erdian eta Ana Bolinaga alkategaiak hartu zuen gero berba. Lan egiteko gogoz agertu zen "imaginazioa, iniziatiba eta hurbiltasuna" aldarrikatuz egoera ekonomiko zail honetan. Herritarrei iniziatiba ematearen alde agertu zen eta langabeziari, prekarietateari, esklusio sozialari ezetz esango diotela argi utzi zuen.
Akatsetatik ikasi eta indarrak batzearen alde agertu zen Bilduko alkategaia "etorkizuna izan dezagun". Eta aldaketaren bandera dakartela jakinarazi zuen.